«LeРorte M» ішкі есік өндіретін фабрикасы — индустриалды аймақта шағын компаниялардың қалай жұмыс істей алатынының жақсы мысалы болып табылады.
«LeРorte M» фабрикасы «Ala Estate» атты шағын индустриалды паркіндегі цехты жалға алды. Жалдау құны — 1200 тг/1 ш.м. Жалдау мөлшерлемесі 7 жылға белгіленеді, яғни осы уақыт ішінде ол девальвация, инфляция немесе басқа сыртқы факторларға қарамастан өспейді. Тиісінше, компания қауіпсіз түрде жоспарлай алады және кем дегенде 7 жыл алға мақсат қоя алады.
Шағын өнеркәсіп паркі қалай жұмыс істейді?
Жалға беруші өндірістік орын (шағын өнеркәсіптік парк) салады, оған инфрақұрылым (электр, су, газ, кәріз, байланыс және т.б.) тартады, өндірістік орынды квадратура бойынша бөледі және жалға алушыларға бизнес үшін дайын алаңдарды ұсынады. Жалға алушы қолайлы орынды іздеуге алаңдамай, өз өндірісін жалғастыра алады.
Жалға алушылар үшін тағы бір басымдық — бұл мүлікті кейінірек сатып алуға болады. Ол үшін келесі жылы арнайы өнеркәсіптік ипотека іске қосылады. Бұдан басқа, жалға алушылар 70 млн теңгеге дейінгі сомада 2%-бен және сомасы артық болса 6%-бен несиені пайдалана алады. Несиені айналым қаражатын толықтыруға, жабдық, шикізат сатып алуға пайдалануға болады.
«Leporte M» ішкі есік өндіретін фабрикасы 2021 жылы ашылды, Алматы индустриалды аймағының өнеркәсіптік паркінде алғашқы компаниялардың бірі болып табылады. Қазір онда 90 адам жұмыс істейді. Айына 30 түрлі түсті 40 түрлі моделі бар 10 мыңға дейін есік шығарылады. Есіктер жиынтығының құны 17 мың теңгеден басталады, бұл нарықтағы ең қол жетімді баға.
«LePorte M» ЖШС бас директоры Азат Қалиулла: «Индустриалды аймақ бізге беретін жеңілдіктер мен артықшылықтары бизнес үшін жақсы мүмкіндік болып табылады. Мысалы, қазір біз өндіріс көлемін 2 есеге арттыруды жоспарлап отырмыз», — деді.
Осылайша, шағын өнеркәсіптік парк жергілікті өндірісті дамытуға және импортты алмастыруға ықпал етеді. Жоба «Almaty Business 2025» қалалық бағдарламасының іске қосылуының арқасында мүмкін болды. Бүгінгі таңда мұндай тәжірибе тек Алматы қаласында ғана бар, қазір оны Қазақстан өңірлеріндегі әріптестеріміз белсенді зерттеп жатыр.
Алматыда барлығы 8 шағын өнеркәсіп паркі ашылды, тағы 11-і салынуда. Өндірістік орындарды жалға алу күту тізімінде қазірдің өзінде 180-ден астам компания бар, бұл отандық өндірістің қарқынды дамуын білдіреді.
Шағын өнеркәсіп паркінде бизнесті орналастыру мәселелері бойынша Индустриалды аймақтың кеңсесінде Алматы қ., Алғабас ш/а, Индустриальная көшесі, 7 мекенжайы бойынша алуға болады, тел. +7 (727) 237-69-10. ШОБ-қа жеңілдікпен кредит беру мәселелері бойынша Алматы қаласы, Байзақов көшесі, 303 мекенжайы бойынша «Qoldaý» кәсіпкерлік орталығында алуға болады, тел. +7 (727) 225-10-79.
